Bayot Pero Engineer Pod

Tibuok buntag ganina, gabasa ko bahi'g mga engineer.  Naa ma'y page sa Facebook nga gitawag og "Trust Me, I'm an Engineer!"  Gikan sa pag-bakod nako hangtod sa ting-paniudto, gasige ra ko'g agik-ik sa ilang mga letrato.  Nabuang jud ko'g kinatawa!  Ambot na lang.  Lingaw kaayo ko nila kay ila ra bitaw'ng kilaw-kilawon nang math og yaga-yagaan abi kay sayon ra kaayo para nila.  LOL!

Nakahinumdom nuon ko'g kalit adtong nahitabo sa ni-aging tuig sa akong gitrabahoan sa-una didto's Cebu.


Di jud ko makalimot ani!

Sa usa ka math skills contest...

___________________________________________________________________________

GIRL 1:

"Lupig mo namo kay naa mi'y ENGINEER sa among grupo!"

GIRL 2:

"Waaaaa!  Kami jud!  Naa mi BAYOT sa among grupo!"

BAYOT:

"ENGINEER ko, day!"

___________________________________________________________________________

Unsaon pod og masmilungtad ang iyang pagkabayot kaysa sa iyang pagka-engineer?


HAHAHAHAHAHA!